Presterte maksimalt - kom i 5 av 5 finalar
Målet var å koma i éin finale (topp 6). Av fem øvingar blei det 3 bronsar og 2 fjerdeplassar på Emil Austevoll Harlem.
Bildeserie:
Fleire unge utøvarar frå Os Svømmeklubb var nær på å kvalifisera seg til årets LÅMØ, Norges Svømmeforbund si landsdels årsklassemønstring for dei beste svømmarane mellom 10 og 15 år.
• Les òg: Emil kvlifisert for landsdelsmønstring
Men i år var det berre Emil Austevoll Harlem (fødd 2005) frå Os som hadde god nok score i alle dei fem øvingane, 400 fri, 200 rygg, 200 bryst, 200 medley og 100 meter butterfly.
– Målet var å koma i finale i éin av dei fem øvingane, fortel pappa og trenar Thomas Harlem.
Emil leverte i kvar einaste øving og persa med til saman over 30 sekund, noko som i ein idrett med så små marginer er ganske ekstremt.
I fem av fem finalar
Det blei ikkje berre éin finale på svømmetalentet frå Os, Emil tok seg i finale i kvar øving.
Også i finalane klarte han seg bra, i alt blei det 3 bronsemedaljar og 2 fjerdeplassar.