Premium filming for TV2
– Eg synest mykje av dagens dronefilming er kjedeleg, men hos Varde veit vi kva vi får, seier produsent Andreas Hallseth hos TV2 etter innspeling i Myrkdalen.
Bildeserie:
Den siste veka har du kanskje sett TV2 sin promo for eigen betal-TV, Premium, der dei hevdar jula ikkje er den same utan nettopp denne.
I djup snø i Myrkdalen blir det slept eit juletre inn i ei hytte, og kjente fotball-profiler er svært glade for å sjå kvarandre.
– Med éin gong det blei klart at vi skulle bruke drone på dette så ringte eg til Varde, seier produsent Hallseth om det Os-baserte selskapet.
– Det er mange som filmar med drone i dag, men ikkje så mange som kan gjera det interessant. Vi har brukt Varde før og veit at dei meistrar både foto og sjølve flyginga, stødig og i ulike høgder.
– Vått, men kjekt!
Fotograf Anders Fløysand og pilot Øystein Skorpen var raske med å kasta dronen på lasteplanet då TV2 ville ha dei med i Myrkdalen.
– Dei er kjekke å jobba for, det blei effektivt og hyggeleg.
– Det snødde tett, men det var vi førebudd på. Då kameraet fekk seg ein stopp etter to takes var det rett på Myrkdalen Hotel og ein halvtime med tørkepistol så var vi klare igjen.
Les òg: Filma for BBC på Svalbard