Vil prega trafikken: I dag går Osløpet av stabelen

I dag blir delar av Osøyro stengt for biltrafikk.

Årsaka er at Osløpet går av stabelen, først med barneløp, seinare med stafett, 6,5 km og 3,5 km.

Barneløpet går i sløyfe i sentrum, stafetten over Osbrua og inn Finnebrekka.

Det er verdt å vera ekstra varsam og visa litt tolmod i trafikken rundt Osøyro denne laurdagen.

Hovudløpet på 6,5 km har visse kryssingar av fylkesvegane rundt sentrum.

Arrangør er Os Turnforening si friidrettsgruppe saman med Os Sentrumsforening.

Startnummer blir delte ut frå klokka 10.30, premieutdeling er etterkvart som siste deltakar per klasse er i mål.

Starttidene:
12:00 Barneløp (opp til 12 år)
13:15 Stafett
14:00 OsLøpet (6,5km)
14:10 OsLøpet kort løype (3,5km)