Poker Run innom Os igjen
VIDEO: Éin båt gjekk rundt, resten kom seg fint til Bekkjarvik via Øyane og tilbake til Bergen.
Bildeserie:
I dag gjekk båttreffet Bergen Poker Run 2012 av stabelen, også i år med pitstop i Øyane.
– Det var visst ein Skater som gjekk rundt då vi kjørte ut frå Hjellestad. Eg trur den hamna på ei krapp hekkbølgje frå ein Princess akkurat då vi gav på litt i etappen mot Strøno. Vi fekk det ikkje med oss, men det var følgjebåt i nærleiken, fortel Karl Ole Lyngbø.
Les òg: Osingar på Poker Run i New Orleans
Lyngbø skulle eigentleg vera mannskap på ein Fountain frå Stavanger saman med to andre båtinteresserte osingar, Anders Arefjord og Eirik Haugland. Men båten frå Stavanger kom ikkje, så då lånte dei Johannes Brimsholm, som er på jobb, sin raske Miami til båttreffet for folk med sans for raske båtar. Rundt 25 båtar deltok i år.
Uskadd
Det gjekk fint med alle om bord i båten som gjekk rundt, stadfestar arrangørane ovanfor BT.no.
– Nokre av dei er no med på festen her på Sachen. Eg reknar med at dei andre er og skrur på båten, seier Haugland laurdag kveld.
Manglar tre kort
Deltakarane har kome tilbake til Bergen etter turen til Bekkjarvik, men har førebels berre fått 2 av dei 5 korta dei får som pokerhand.
– Så får vi sjå kven som vinn i år. Vi skal no berre visa korta, og ikkje spela, så det betyr ikkje så mykje.
Midtsiden har fått med seg poker run passera Os kvart år sidan start.
• Her kan du sjå bildeseriar frå dei førre to åra, 2011 og 2010.
Midtsiden samleside: Båt og sjøliv
VIDEO (01:55): Sjå Poker Run-etappen frå Askvik til Øyane og litt av stemninga på pitstop på Bunnpris Vedholmen Landhandel. (Foto: Kjetil Vasby Bruarøy)