Plakaten vi ikkje fekk sjå
Stor stemning i Os og Oslo: Idol-Eirik er som "ein rev i ein hønsegard". Det er publikummet frå Os òg!
Bildeserie:
"Eirik Søfteland kom inn på første audition med heilskjegg og skapte meir liv enn ein rev i ein hønsegard" sa programleiar Stian Blipp før Osbygdas store håp gjekk på scenen som fjerdemann ut i kveld.
Les òg: "Mange klemmer til de som stemmer"
Og Eirik gjekk på scenen og viste like mykje mage som ny-single Tone (Damli Aaberge) i juryen, og fekk strålande tilbakemeldingar frå 3 av 4 i juryen.
– Det gjekk akkurat som eg hadde håpa på. Alt klaffa og tilbakemeldingane frå spesielt Dansken og Kurt-en varma veldig, seier Eirik på telefon med Midtsiden i pausen.
LOL-sjef med morosam plakat
Også publikum frå Os varmar Eirik, i salen sit pappa Tord og 14 venar, fleire av dei med plakatar eigna for lett sensur. TV2-kameraet glei nedom Eirik-publikummet, men forsvann fort då teksten blei synleg:
"Eg har sett Eirik naken" var truleg sterk kost for familieprogrammet.
Plakaten er det festivalsjefen for Søfteland Rock N LOL, Andreas Lindborg, og bandkompis frå Bone Shakers Espen Iversen, som står bak.
– Dei er ein fantastisk gjeng, ler Eirik, og helsar heim til både TV-sjåarar og dei over 70 som sit i klubbhuset på Kuventræ og heiar på unge Søfteland.