Pipebrann og forureining

Tysdag, i tillegg til redningsaksjon på Liafjellet, var brannvesenet ute på sotbrann i skorstein i Brothaugen og melding om akutt forureining i Askvik.

– Pipebrannen blei raskt slått sløkt, fortel brannsjef Espen Storum.

Forureininga viste seg å vera eit uhell der bensin hadde hamna i sjøen.

– Det var heldigvis ikkje dei store mengdene, men det lukta bensin i nabolaget og skapte ein del shine på overflata. Det var likevel ikkje sånn at vi med operative tiltak fekk rydda noko vekk.

– Men det er heller ikkje første gong det har vore uhell med forureining på adressa, så vi vil følgja opp saka.