Samferdsle | 03. juni 2022
Pinsekø til Moberg
– Det kan sjå ut som om vi er over toppen.
Kjetil Vasby Bruarøyfredag 03. juni 2022 18:43
Handballfestival på Stord og langhelg i vente gjorde at Vegtrafikksentralen venta køar på E39 Halhjemsvegen i dag.
Køen blei som før pandemien, og strekk seg i skrivande stund til under brua ved brannstasjonen og politistasjonen på Moberg.
– Trafikken har gått sakte mot ferjekaien og vidare, men utan uhell. Det har ikkje vore sendt ut politi på dirigering, og deg kan sjå ut som om vi er over toppen no, seier vakthavande ved VTS.
– Det har vore noko kø andre stadar òg, blant anna mot Nordhordland, men der har det løyst seg.
