Persa og vann Stor-KM
– Det er min første personlege rekord på tre år, seier nybakt kretsmeister Mons Martin Borgen.
Med 1,91 meter blei det ny pers og førsteplass i seniorklassen til høgdehoppar Mons Martin Borgen frå Os Turn.
Stor-KM blei arrangert av Norna-lekene i Leikvang-hallen.
– Eg har trent i vinter, men veldig lite teknikk. Det merka eg på timinga, seier Mons Martin.
– Eg nådde høgaste punkt for tidleg og var borti stanga på kvart hopp frå 1,80 og oppover. Når eg får inn teknikken igjen så skal eg opp mot 2 meter.
Nesten i september
Under opninga av Os Idrettspark i september tangerte han eigen pers, 1,90, men kom seg ikkje over på 1,91. (sjå video).
– Eg har nesten ikkje hoppa sidan september, men eg har trent godt. Dete var første pers på tre år, men eg trur det kjem fleire bestenoteringar i 2016.
Føler seg rask - kom for seint
Borgen hadde òg plan om å delta i sprint. Dessverre kom han for seint.
– Eg trudde eg var i rute, men eg hadde fått feile tider, så då eg kom i hallen var dei godt i gang med forsøka.
– Det var litt synd, for eg har trent ein del sprint i vinter, men vi får ta det i neste runde, seier Borgen.