Persa og vann
Målfrid Pettersen Lunde vann Framoleikane i tresteg etter å ha satt ny personleg rekord i alle tre hoppa.
Stemnet på Fana stadion var sesongdebuten til Målfrid Pettersen Lunde.
– Det var strålende tilhøve og veldig fint vêr. Før konkurransa var eg spent, eg må innrømme det. Dette ville vera første peikepinne på kor eg står.
– Eg hadde ikkje turt å setta håpet for høgt, for fjorårssesongen var dårleg. Rett nok har det gått bra innandørs i vinter, fortel Pettersen Lunde.
Tre ganger over 11,50
Frykta for formen var ubegrunna. I konkurransa klinka Pettersen Lunde like gjerne til med tre hopp over 11,50 og vann.
– Det blei eitt hopp på 11,50 og to på 11,51. Konkurransa blei avvikla i motvind, så med litt andre forhold kunne det blitt enno betre.
– No er det Tryvingleikane i Oslo neste helg. Blir det bra tilhøve der, så håper eg det skal gå ennå lengre. Dette var i allefall motiverande og inspirerande, seier Pettersen Lunde.
Tryvinleikane er det største barne- og ungdomsstemne i friidrett ved sidan av ungdomsmeisterskap og NM.
Har spesialisert seg
Pettersen Lunde, som no konkurrerar for Fana, fortel at ho har lagt løperskoa på hylla og satsar på tresteg.
– No når eg er blitt så gamal som eg har blitt, så er det vanskeleg å kombinera to så ulike ting som løping og tresteg. Konkurransa er såpass tøff at ein må gjera eit val. Då valde eg tresteg, sidan det var der eg var best, avsluttar Målfrid Pettersen Lunde.