– Perfekte forhold for dei firbeinte
Midtsiden TV: Sånn ser det ut når 64 ulike hundar viser kva dei er gode for i ei historisk hinderløype i Os sentrum.
Bildeserie:
«Sånn har du ikkje sett Kyrkjeflaten før» skreiv Midtsiden etter at nystarta Os Orienteringsklubb førre helg arrangerte KM i sprintstafett.
Torsdag kristi himmelfartsdag var det tid for nok ein «debut» på Kyrkjeflaten. Vi har sett veltrente hundar i parken før, då det i 2009 var NM for patruljehundar, men i går blei det for første gong arrangert agilitystemne utandørs i Os.
– Det har vore eit offisielt agilitystemne i Os før, på Fjellanger Hundeskole, men ikkje utandørs sånn vi arrengerer no, seier leiar for Os Hundeklubb, Simon Noel, som sjølv konkurrerer på høgt nivå.
Les òg: Jej! Vi skal til Tyskland
– Vi er veldig glade for at vi har fått låna Kyrkjeflaten, det er optimalt for hundane, som elles på stemne andre stadar i Hordaland stort sett konkurrerer på grus.
64 ekvipasjar
Noel er også nøgd med deltakinga, 64 ulike hundar med førar deltok i 126 startar. I tillegg kom eit nytt prosjekt, ein stafett med to hundar.
– Vi har prøvd oss på ein konkurranseklasse vi har forma sjølv. Vi har med oss fleire sponsorar, elles hadde vi ikkje klart å arrangera eit stemne av øvste klasse, og kalla denne tilleggskonkurransen for Teamsprint Sparebanken Vest.
Blant deltakarane var det 8-10 hundar frå Os og elles både andre lokale ekvipasjar og landslagsekvipasjar.
I videoen over ser du nokre av hundane i aksjon saman med intervju med Simon Noel.
Resultatlister blir lagt ut på oshundeklubb.no eller på facebooksida til Os Hundeklubb.