Påskehøne krympa av hytteforbod
Heldt tradisjonen ved like - utan snø.
- Midtsiden startar utsending av gratis nyheitsbrev på epost - meld deg på her
Kvar vinter sidan 2010 har Siv Vevle og sambuaren Alf Holdhus frå Os brukt delar av påskeferien på eit aldri så lite byggverk i snø.
– Det byrja med at vi gjekk tur forbi ei hytte der andre hadde laga ein kylling eller høne i snø, og fargelagt denne. Då fekk vi òg lyst å prøva, fortalde Siv til Midtsiden i 2017.
I 2016 bygde dei ei høne som var 4 meter høg, dei siste åra har den landa på 2-2,5 meter. Hønene har ruva på Kvamskogen.
Hytteforbod og snømangel
I år landa dei på rundt 12 centimeter. Årets høne er heller ikkje bygd i snø.
– Med koronakrise og hytteforbod blei det heimepåske i Øyane. Her er lite snø å finna, så påskehøna blei bygd i modellkitt og farga med konditorfarge.
Det gjekk ikkje med dei store mengdene med konditorfarge i år, men tradisjonen er halden ved like.
