Påskehøna kravde hard innsats i år
Trass hard snø blei det ei ruvande høne utanfor hytta til familien Holdhus og Vevle i år òg.
Bildeserie:
Siv Vevle og Alf Holdhus held påsketradisjonen ved like, sjølv om forholda varierer frå år til år.
Sjølv om snømengdene er store på Kvamskogen denne vinteren, har det vore periode med mildvêr før kulden kom tilbake, og lite påfyll av nysnø før påske.
– Vi brukte seks timar på å bygga påskehøna i år, fortel Siv.
Ideen snappa dei opp då dei gjekk tur i området, og såg andre som hadde bygd påskehøne og fargelagt med konditorfarge eller maling.
Kvart år sidan 2010 har det blitt høne utanfor Alf og Siv si hytte òg.
– Vi måtte tøma på med vatn for å få høna til å henga saman. Vi klarte likevel å bygga den 2,5 meter høg og 3 meter lang. Vi har bygd større høne før, og fleire egg, i år blei det berre eitt egg, fortel Siv.