Parkkonsert med William Hut

Kvar sommar inviterar eigarane av Moldegaard til konsert i den vakre parken.

– I år kjem William Hut, Jenny Turner og Hilde Hasselberg klokka 13 på sundag for å underhalde oss, fortel Christine Mowinckel Reksten.

Då dei arrangerte konserten i fjor fann omlag 100 tilskodarar vegen for å få med seg jazztrioen Mads Berven Band og mannskoret Brade.

– Vi satsar på at det blir ein like fin dag i parken denne sundagen.

– I tillegg er Linda sin kafé open, så moglegheiten for ein triveleg dag og en god lunsj med alt frå hot-dog og betasuppe til kaffe og vaflar er så absolutt til stades, avsluttar Reksten.