På veg til nye klasserom
100 elevar på dugnad: Det har blitt overraskande fint i Landboden, seier lærar Ånon Valle.
Bildeserie:
Os ungdomsskule skal pussast opp for 70 millionar kroner, og medan arbeidet pågår blir fleire skuleklassar flytta til midlertidige lokale i Landboden.
Les òg: Bygger skule i Landboden
Fredag, siste skuledag før haustferien, blei flyttedag for fire klassar, to frå 8. trinn, to frå 9. trinn. Dei fire skuleklasane hadde rom i 1. etasje i fløyen mot kyrkja, ein del av skulen som oppussingsarbeidet no startar på.
Vegen til dei midlertidige klasseromma er kort og elevane tok flyttejobben sjølv, pult, stol og nokre tok ein ekstratur for å hjelpa til å ta med spegl, bosspann, vannkokar og microbølgeomn.
– Det har blitt overraskande fint her nede. Elevane har ikkje sett lokala før i dag, men eg trur dei også synes dei får det fint, seier lærar for 9A, Ånon Valle.
Gangfelt i ekspressfart
Det er nokre dagar sidan klasseromma i Landboden sto klare, men skule forlangte nytt opphøgd gangfelt utanfor skulelokalet før elevane fekk flytta.
Det kom på plass i rekordfart, saman med gjerder som sikrar ein liten plass utanfor klasseromma.
Opp og ned i friminutta
I Landboden er det nye klasserom og kontor og opphaldsrom for lærarane. Elevane skal opp på grusbanen i friminutta.
– Delar av hovudplassen utanfor skulen er no anleggsområde, så grusbanen vil i større grad bli brukt. Men vi vil også sjå på løysingar her nede ved Landboden, seier Valle.