På TV i kveld - og kanskje fredag
3 av 120 deltakarar som har gått vidare i Idol er frå Os. Onsdag skal dei i elden på bootcamp i Oslo.
Bildeserie:
Tre av dei fire Idol-deltakarane frå Os gjekk vidare etter første audition, og i kveld sender TV2 frå første dag på bootcamp i Oslo.
Martine Frotveit Johnsen (17), Christoffer Leikvoll Storvik (22) og Ada Keita Hansson (25) er blant dei til saman 120 deltakarane som gjekk vidare frå auditionrundane i Bergen, Oslo og Trondheim.
Bootcampen, som var i juni, gav deltakarane ei overrasking:
Det blir ingen semifinaler i år, etter fire bootcamp-dagar skal dei stå igjen med 10 finalistar som skal i direktesending frå 5. oktober.
I første bootcamp-program, som blir sendt på TV 2 onsdag frå klokka 20.00, skal dei 120 deltakarane gjennom line-up, der dei kjem inn på rekke og går fram éin og éin for å synga for juryen.
Så får dei direkte melding om dei er vidare eller ikkje.
I løpet av onsdag kveld skal 120 bli til 60 deltakarar som er vidare i dag 2, som blir sendt på fredag.