På 3. plass opp Gullfjellet
Tre løparar frå Os gjorde det i helga bra i Gullfjellet Opp. Trond Inge Nilsen var den raskaste frå Opptur Motbakkeklubb og kom på 3. plass i egen klasse og 26. plass totalt.
I helga gjekk årets Gullfjellet Opp av stabelen, der tre deltakarar frå Opptur Motbakkeklubb i Os gjorde det bra.
Av 150 deltakarar var alle på øvre halvdel av resultatlista uansett klasse, to av dei brukte under ein time på den 8 kilometer lange løypa til toppen, 987 meter over havskorpa.
Thorbjørn Ludvigsen frå BFG Bergen vann på tida 44:38, Trond Inge Nilsen kom i mål på den sterke tida 56:12.
Dette er meir enn 6 minutt raskare enn i fjor.
Kjetil Styrvoll kom på 45. plass då han sprang i mål på 59:54, som er nesten to minutt raskare enn førre gong, som var i 2011.
Kjetil Pedersen brukte litt over ein time og kom i mål på 1:03:49, godt nok til 68. plass av 150 deltakarar.
To løparar som er å sjå i motbakkeløp i Os innimellom, brørne Håvard og Vegard Austevoll, kom på 15. og 16. plass med tidene 53:01 og 53:14.
Les òg: Ny rekord for Mobergsdilten