Osmessa nesten fullsett

I 2011 blei Nore Neset Dagane, som frå før inneheldt Liafjellet Opp, aktivitetar, utstillarar og konsert med dans, utvida med Osmessa, ei auka satsing på å laga ein marknadsplass i og rundt aktivitetshallen.

Les òg: Dugnad med suksess (med bildeserie frå Osmessa i 2011)

– Vi fekk ei veldig fin samansetning av utstillarar og mange av dei kjem tilbake i år. No nærmar det seg 40 utstillarar, og det kjem nye frå dag til dag. Men vi har framleis nokre lediga plassar, fortel dagleg leiar i Nore Neset Aktivitetshus, Karin Bøyum.

Les òg: Venteliste på Osmessa

Årets Nore Neset Dagane og Osmessa blir arrangert 22. og 23. september.

Då skal også Os Turlag ho offisiell opning av den nye klatreveggen deira i hallen.

Ei veske av fisk

Kunst og handverk, sport og fritid, hus, heim og eigedom og bil og motor er hovudkategoriane messa er delt inn i.

Blant dei nye utstillarane i år er BilXtra, Auto23, Aktiv Fritid og XL Bygg.

– Innan kunst og handverk har vi også fleire spennande nye utstillarar, som Bjørg Strømme frå Fitjar, som lager vesker av fiskeskinn, fortel Karin.

Bilkjøring og bilde

Nokre av utstillarane legg opp til aktivitetar, som Bergen og Omegn Modellbilklubb, som skal svi av bensin utanfor hallen både laurdag og søndag.

Os Fotoklubb stiller opp og arrangerer fotokonkurranse under messa og skyttarlaget er på plass med laserskyting.

Konsert for dei vaksne - framsyning for ungane

For ungane blir det som vanleg fleire aktivitetar, frå natursti med Barnas Turlag, gatecup, leikar, konkurransar og hoppeslott til ansiktsmaling og ridetur på hest.

– Søndag kjem dei for mange kjente figurane Kaptein Skrekk og Kaptein JoJo og held framsyning i Symrasalen. Også Os Swingklubb skal ha oppvising.

Laurdag kveld er det vaksentid og konsert, då speler Linda Ekeland med band opp til dans.

Osmessa blir avslutta med auksjon søndag ettermiddag, med varer frå fleire av utstillarane.