Osfest slepp første band
Med denne "dokumentarfilmen" slepp Osfest første band til festivalen i august 2014.
VIDEO: Her ser du videoen der spesielt lensmann og sogneprest er meir sporty og førebudd enn kva ein kanskje skulle venta av folk i desse rollene.
I august blei det kjent at ein ny festival blir starta i Os, Osfest ser dagens lys fredag 1. august 2014.
I kveld, tysdag 12. november, slepp arrangørane første namn, og sleppet blir gjennomført i form av ein eigenprodusert video, der arrangørane spør ordførar, lensmann og prest - før ein kunstnar røper namnet på bandet.
– Ja, det stemmer at vi har booka Dumdum Boys, seier Ole Reinert Berg-Olsen, til Midtsiden.
Videoen blei først publisert på Osfest si facebook-side.
– Eg meiner dei er Noregs feitaste liveband og er veldig nøgd med at vi får dei til å avslutta vår første festival.
5 + 5 band, minst
Dumdum Boys går på scenen på grusbanen ved Os ungdomsskule som siste band ut laurdag 2. august neste år.
Arrangørane har plan om å booka rundt fem band per kveld, fredag og laurdag under festivalen. I tillegg blir det livemusikk om bord på MS Midthordland og på enkelte andre eksterne scenar.
– Vi kjem nok til å sleppa eitt til to band til før jul, spår ORBO.
Sprek prest og lensmann
I kveld blei også dei første festivalpassa lagt ut for sal, til noko rabattert pris.