Oseana søker bålbrennar
Ny St Hans-feiring i Vikjo: Pølsene er klare og trekkspelmusikarane har sett av datoen - det einaste som manglar er nokon som vil bygga bål.
– Ja, det blir St Hans-feiring i Mobergsvikjo i år òg, stadfestar Astrid Heggland hos Oseana.
Det starta med organisert feiring i Vikjo på tampen av opningsveka til det nye kulturhuset i 2011, og blei følgt opp med ei stemningsfull og folkerik feiring i fjor.
SJÅ VIDEO OG BILDESERIE FRÅ 2012
I år er sankthansaftan (23. juni) på ein søndag, og Oseana vil saman med Oseana Kafé og Restuarant rigga til både scene og grillar.
– Spelemannslaget og Dursamskipnaden kjem i år òg, men vi har ei lita, men viktig utfordring, seier Astrid.
Laget som tok ansvar for bålet i fjor har grunna ferieavvikling ikkje tid i år.
– Vi du eller ditt lag sørgja for at det blir bål også i år? Då ønskjer vi deg velkomen til å ta kontakt med oss i Oseana, seier Astrid.