Os Vocalis fekk 2. plass i Praha
Kor frå Os song til sølv i Europas eldste advent- og julekorfestival.
Bildeserie:
Os Vocalis deltok i helga på ein internasjonal advent- og julekorfestival i Praha.
– Festivalen er i år i sitt 27. år og er dermed den eldste og mest tradisjonelle festivalen for advent- og julemusikk i Europa, fortel Rikke Wallace frå Os Vocalis.
Koret frå Os deltok i kammerkorklassen saman med åtte andre kor frå ulike land i Europa, og Os Vocalis song til sølv!
Os Vocalis hadde i tillegg til konkurransen også konsert i St. Martin in the Wall Church, og på opninga av julemarknaden på Old Town Square laurdag 2. desember.
– Der møtte vi også på nokre norske fans som oppmuntra oss.
Saman med mykje song fekk kormedlemmane òg tid til shopping, sightseeing og å smaka på lokale spesialitetar.