Os junior til 3. runde i NM

Bildeserie:

Full skjerm

1 av 5

Os Fotball har juniorlag i både 1., 2. og 3. divisjon. Stallen til førstelaget speler òg seniorfotball, der dei har fått det tøft med Os 2 i 4. divisjon, men blant jamgamle gjer dei nærmast reint bord.

Os 1 har vunne 4 av dei første 6 kampane i G19 1. divisjon, med 3-2-siger borte over Fana tysdag ligg Os på 3. plass og har allereie sikra plassen i 1. divisjon til hausten (ungdomsfotballen har opp-/nedrykk til sommarferien).

I går spelte juniorlaget andre runde i NM Telenor Cup. Os slo Nest-Sotra 3-0 i førte runde, onsdag tok dei imot Haugar.

Os - Haugar 4-2 (2-1)
Målskårarar, Os: Fabian Bødker 2, Markus Sørås Bjørnevik og Vegard Hjelle.
Os: Erlend Østgulen Hevrøy, Jonas Fagerbakke Hovland, Anders Skaar, Ludvig Egge Drange, Vegard Hjelle, Andreas Kytiri, Eric Skorpen, Endre S. Nordtvedt, Peder Lyssand, Harry James Moore, Fabian Bødtker, Steffen Årseth Ljosheim, Vegar S. Ludvigsen, Tom Gabriel Ø. Rondestveit, Markus Sørås Bjørnervik, Øyvind Odland, Øystein Takle Eide, Fredrik Haustein.

Markus Sørås Bjørnevik gav Os 1-0-leiing i 15. minutt. Gjestane utlikna, men på corner gav Fabian Bødtker Os leiinga til pause.

– Det var kjekt å få måla seg med eit lag utanfrå Hordaland, seier trenar John Ole Johannessen.

Juniorlaget hadde med seg Fabian, Steffen Ljosheim og Øystein Takle Eide, som nyleg har vore sjuk, frå A-stallen.

I andre omgang gjekk Os opp i 3-1 ved Vegard Hjelle og 4-1 då Fabian fekk seg nok ei nettkjenning. Gjestane pynta på resultatet, men truga aldri Os.

Fyllingsdalen ha òg tatt seg vidare, mens Sædalen, Fana, Gneist og Brann sine juniorar er blant dei frå Hordaland som førebels ikkje har spelt andre runde.

SJÅ TERMINLISTE/RESULTAT

Heimekamp med Os 2 laurdag

– Det blir lokal motstandar i neste runde, som eg trur skal spelast før sommarferien, seier Johannessen.

– I mellomtida får vi håpa vi snart byrjar å plukka poeng også på seniornivå.

Os 2 speler heime mot Loddefjord i 4. divisjon herrar laurdag (15.30).