Os J16 suveren i straffekonk
VIDEO: Med redning og skåring blei keeper Anna Moltubakk dagens helt då Os J16 tok bronse i Lerøy Cup.
Jentelaget til Os, som nyleg vann vinterserien, spelte i dag sluttspel i Lerøy Cup, der dei tok bronse i fjor og sølv i 2011.
I kvartfinalen møtte dei Gneist, eit lag som har spelt opp eit alderstrinn og samtidig slått krinsmeistrar og andre topplag frå 98-kullet.
– Det var deilig å slå dei, spesielt sidan det var på deira eigen heimebane, seier trenar Kjetil Lyssand Lindbom.
SJÅ VIDEO AV STRAFFKONK NEDST I ARTIKKELEN
Men sigeren kom ikkje så lett.
Os gjekk opp i leiinga, men Gneist utlikna og overtok til 2-1.
Men Os utlikna på straffe før slutt, dermed måtte kvartfinalen avgjerast i det som blei 98-jentene frå Os sin første straffespark-konkurranse.
Starta med redning
Keeper Anna Moltubakk, som nyleg er tatt inn på kretslaget, redda første Gneist-skot.
Så blei det 3-2 til Os, 3-3, 4-3, miss av Gneist, redning av Os-straffe, nu miss av Gneist - og så var det keeper Anna sin tur å ta straffe.
Anna skaut sikkert og hardt på keeper si venstre side og kampen enda med 5-3-siger til Os.
Dei andre målskårarane var Tonje Lindbom og Guro Veglo, Andrine Døsen, Mathea Normann og Anna Moltubakk.
Jamn semifinale
I semifinalen spelte Os ein jamn kamp mot Åsane (J97), som Os tapte 1-3 for i NM-kvalifiseringa.
Det sto 0-0 til pause og Os tapte 0-1.
Dermed blei det bronse i år òg.
VIDEO: Her kan du sjå straffekonkurransen. (Foto: Kjetil Vasby Bruarøy)