Os Amcar sette ny rekord
Bildeserie: Os-treffet har aldri samla så mange bilar som i går. Fem bilar blei premierte.
Bildeserie:
Måndag andre pinsedag var det tid for årets versjon av Os-treffet. Os Amcar Club har arrangert treffet sidan 90-talet, dei siste åra på Os vgs sitt område i Kolskogen, og har aldri hatt så mange bilar utstilte som i går.
– Trass vekslande vêr kom det 102 bilar til treffet. Publikum kom gratis inn, så dei har vi ikkje tal på, men vi er veldig nøgd med besøket, seier styremedlem Dag Andersen.
Det regna tett i 12-tida, men før klokka 13 letta det og resten av treffet blei varmt og lettskya.
Stemte fram fem bilar
Publikum fekk med seg skjema då dei gjekk rundt og såg på bilar, så dei kunne gje si stemme til kåring av beste amcar og beste pickup/van (amcar det òg, naturlegvis).
Ekteparet Linda og Steinar Håland reiste heim med kvar sin pokal.
Her er resultata:
Beste amcar
1. Linda S. Håland sin Plymouth Cuda 1970.
2. Tore Hatlestad sin Ford Mustang 1965.
3. Steinar Håland sin Chevrolet Camaro 1969.
Beste van/pickup
1. Roald Kuven sin Chevrolet C10 1968.
2. Leif Terje Sivertsen sin Chevrolet Cargo 1997.
Sjå fleire av bilane, også nokre av dei som endte på pallen, i bildeserien over.
Neste amcar-event i Os blir feiringa av 4. juli, med parade frå Er-An Veikro gjennom Os og tilbake.
• Sjå bildeserie og video frå paraden og børninga 4. juli 2016.
• Midtsiden samleside: Motorsport