Os Amcar på cruising i morgon

I morgon, tysdag 4. juli, køyrer Os Amcar Club kortesje gjennom Osbygda.

I fjor var det 58 bilar påmeldt og 52 som stilte til start.

– Det er enno for tidleg å seia kor mange som stiller, sidan vêrmeldingane har endra seg, seier Øystein Helgesen frå amcarklubben.

– I går såg det ut til å bli ein våt tysdag, no ser vêrmeldingane betre ut, med litt regn midt på dagen, men sol på kvelden.

Er-An Veikro er midlertidig opna igjen, men har ikkje ope om tysdagane.

– Vi køyrer oppmøte og start ved BilXtra i Jordmorsvingen. Der blir det loddsal med fine premiar, sponsa av ulike firma, før start.

Årets rute

• Start frå Jordmorsvingen klokka 19.30.
• Mot Søfteland med vending frå Storestraumen mot klokka via Hjellemarka
• Til UnoX og opp til Ulvenvegen og over Ulvensletta
• Over Skeisflaten og vidare til Øyane, så til Lepsøykrysset
• Gamlevegen mot Halhjem og ut til Halhjemsmarka for å snu
• Retur til Os og parkering i Os sentrum
• Det er venta ankomst Os sentrum rundt klokka 20.30.