Oppstart til våren

På den ytterste delen av Hamnevegen er det sett av eit område til parkering. Dette er planlagt nytta til bubilparkering, med tilhøyrande fasilitetar.

Prosjektleiar i Os kommune, Tor Inge Døsen, opplyser at saka no er sendt til byggesaksavdelinga i kommunen.

– Vi tenkjer at det gjerne hadde vore kjekt å stella til området litt med belysning på moloen, beplanting og gjera det litt triveleg. Dette er noko som vil ha ringverknader også til dei som brukar Haugsnesfjøra til badeplass om sommaren.

Klar til sommaren?

– Vi må sjå litt kor mykje vi skal leggja tilrette, men det kan bli både tømmestasjon for septik, landstraum og kanskje toalettfasilitetar, seier Døsen.

Dersom alt går etter planen, vert arbeidet starta opp i vår, slik at dei første bubilturistane kan nytta seg av tilbodet allereie i sommar.

Det blei løyvd ein million kroner i budsjettet for 2015 for å finansiera bubilparkeringa.