Oppgraderer Irisgården
Solsida til Os skal få seg eit løft i sommar. – Men alle leigetakarane våre held ope i heile perioden, forsikrar Jarl Berentsen.
Mykje har skjedd med Irisgården etter at Drageset i 2001, og senare Norgesgruppen, kom inn som hovudaksjonær. Året etter kom 11 leilegheiter på taket, samtidig som fasade og interiør blei pussa opp og modernisert.
– Det er viktig å ta vare på eit så fint, stort og synleg bygg som Irisgården, så no skal bygget gjennom full oppussing av fasaden.
– Prosjektet blir omfattande og kostbart, men vi har gode, lokale handverkarar i sving, og dei kjem nok til å bruka sommaren godt. Det blir oppussing rundt vindauge, flikking av mur og maling med spesialmaling som skal gje denne perla ein strålande fasade resten av sommaren og fleire år framover.
Tar tid
Arbeidet kjem til å stå på i mellom 1 og 2 månadar.
– Alle leigetakarane våre driv som normalt i denne perioden, og vi håper kundar og andre som besøker Irisgården er tålmodige i byggeprosessen.
Litt ledig
Irisgården er på cirka 6000 kvadratmeter, fordelt på fire etasjar.
I dag har Irisgården følgende leietagere: Os Lensmannskontor, Vinmonopolet AS, Bowling1, Mix-kjeden, Solsiden, Bjørnefjorden Hjertesenter, Institut for Familie, Janusfabrikken ,Jysk, Tannlegene Buanes, Visma (rekneskapsbyrå), Germanischer Lloyd , Fysioterapeut Hege Bull Skarvatun, kiropraktor Timmy Bøe, Iristannlegene og NMS Gjenbruk.
– Det einaste vi har ledig er eit kontor på 100 kvadratmeter. Eventuelt 200 kvm, då vi har ein leigetakar som vurderer å flytta frå sitt inn i det ledige på 100, fortel Berentsen.