Oppførte seg trugande ovanfor familiefar
Ein utlending truga ein annan utlending på ein butikk i Os sentrum søndag. Den rusa mannen blei køyrd i arresten, der han framleis sit.
Søndag formiddag rykte politiet ut til ein butikk i Os sentrum etter melding om sjikanerande framferd.
Ein utanlandsk mann i 30-åra blei tatt med til arresten i Bergen.
– Han var veldig rusa og oppførte seg også utagerande etter at patruljen kom fram, fortel politioverbetjent Audun Hadler-Olsen.
Mannen sit framleis i arresten og skal til avhøyr i dag.
– Kven var det han sjikanerte og kva handla saka om?
– Det var ein annan utanlandsk mann og det skal ha handla om kvar han kom frå.
Han andre hadde familien med seg og skal ikkje ha gjort noko for å provosera mistenkte.
– Snarara tvert imot, han skal ha prøvd å roa vedkomande ned, seier Hadler-Olsen.
Det var fornærma sjølv som varsla politiet.