Opnar influensavaksinasjon for alle
– Du treng verken vera i målgruppa eller bestilla time.
Torsdag 16. desember kan alle som ønskjer årets influensavaksine møte opp til gratis massevaksinasjon i Oshallen eller Fjord'n senter.
– Vi har framleis ein god del vaksinedosar igjen, ogvil gjerne bruka opp alle, seier vaksinekoordinator i Bjørnafjorden kommune, Nina Norheim Oen.
Oshallen og Fjord'n senter har ope frå 8.15 til 11.30. Du kan velja mellom å bestilla time eller berre koma innom.
– Tidlegare massevaksinasjon blei ikkje så travel. For å unngå å binda opp mykje helsepersonell ein heil dag, køyrer vi det litt kompakt på ein formiddag.
– Influensavaksinen kjem, i motsetnad til koronavaksinen, ferdig opptrekte på sprøyter, så vi rekk endå fleire i timen. Så sant folk stiller, seier Nina til Midtsiden.
Vil du sikra deg eit bestemt klokkeslett, kan du bestilla time på helsenorge.no.
