Omfattande steling av blomar og buskar
Både Osbadet og Os kommune fortel om fleire tilfelle av steling av store mengder blomar og buskar.
Bildeserie:
Mange har brukt den fine våren til å pynta i hagen, også firma og det offentlege.
Hos Osbadet har dei nyleg fått fråstole både blomar og buskar.
– Noko er tatt opp i ei eske som sto utanfor etter noko treningsutstyr som var kjøpt inn.
– Eska med busk står igjen, dei har sikkert blitt uroa medan dei heldt på, seier teknisk sjef på Osbadet KF, Trond Erik Nilsen.
Også fleire blomar er sakna frå uteområdet rundt badet og Oshallen.
– Ei ny trend
Hos Os kommune fortel Knut Geelmuyden frå teknisk drift om endå fleire tilfelle av tjuveri.
– Det ser ut til å vera ei trend; hærverk går ned, tjuveri går kraftig opp, fortviler han.
– At det skjer litt hærverk i eit sentrum er nok ikkje til å unngå. Folk er fulle i helgene og gjer av og til rare ting.
– Men eg undrar meg over at folk steler så mange blomar og planter.
Stal sjeldan art frå minneparken
Geelmuyden fortel stort volum på tjuveri i Os sentrum, ikkje minst i minneparken.
– Så snart noko blir stole så erstattar vi det. Éin gong eg kom tilbake med nokre nye blomar var det i mellomtida tatt endå fleire.
– Då vi planta påskeliljer blei det tatt 30-40 stykker, blome med løk, eit heilt parti blei tatt opp og fjerna.
Ein av buskane som blei tatt er ein sjeldan rhododendron.
– Denne fekk vi frå Aboretet. Den er heilt spesiell, du må via Skottland for å få tak i arten, seier Knut.
Over 25 tjuveri
Han ramsar opp 40 stemor som er tatt i 25 ulike rundar.
I tillegg kjem 7 planter.
– Det er lett å sjå forskjell på hærverk og tjuveri. Når det har vore hærverk ligg blomar eller planter slengt rundt staden.
– Når det er tjuveri er blomane vekke og du ser korleis dei har prøvd å ordna det fint til etterpå.
– Eg håper turgåarar og andre er vakne, at det kan koma inn tips som fører til at vi finn ut kven dette er.