Lokal | 12. mars 2016
Nytt NM-gull og ny pers til Ariel
Ariel Braathen vann 200-meteren og sette nok ein ny personleg rekord i kortbane-NM i Stavanger i ettermiddag.
Cathrin Valestrandlaurdag 12. mars 2016 17:57
I forsøket tidlegare i dag kom ho inn på 2.28,64.
I finalen på 200 meter bryst leia Ariel heile vegen, og kom i mål på tida 2.27,11.
Med desse tidene slo ho sin eigen pers med 0,3 sekund.
Les òg: Noregsrekord og NM-gull til Ariel (frå i går)
(Persen på langbane er 2.31,96, men det er ikkje samanliknbart med kortbane.)
Var spent før start
Etter den fantastiske starten i kortbane-NM, med gull på 50 meter i går, sa Ariel:
– Eg er alltid mest nervøs før 200 meter, men eg føler at det å vera spent hjelper meg, så eg gler meg veldig!
Midtsiden gratulerer med eit fantastisk resultat!
Søndag står 100-meteren for tur.