To nye smittetilfelle i Bjørnafjorden

Det er registrert to nye smittetilfelle i Bjørnafjorden kommune. Dette er dei første som har fått påvist covid-19 i Bjørnafjorden sidan måndag 8. februar.

• Mann i 20-åra, smitta i utlandet. Éin nærkontakt i karantene.
• Mann i 40-åra, smitta i utlandet. Ingen nærkontaktar.

– Begge dei smitta er tilreisande frå utlandet, sjekka i samband med innreise og har sete i karantene sidan ankomst, seier kommuneoverlege Jonas Nordvik Dale.

I tilegg har éin av dei 99 som var i karantene etter smitteutbrot på byggeplassen i Industrivegen testa positivt. Vedkomande bur ikkje i Bjørnafjorden kommune, og testa positivt på veg ut av karantene. Vedkomande bur, som dei fire andre, ikkje i Bjørnafjorden kommune.

Det betyr at vi har hatt null internsmitte i Bjørnafjorden kommune sidan 12. januar. Dei to smitta 8. februar var nemleg smitta i Bergen.

Ifølgje BT sin oversikt er smittetrenden flat i både Bergen og Bjørnafjorden, og synkande i Vestland fylke. Bergen hadde 11 nye smittetilfelle i går.

Mest smitte i Vestland siste 14 dagar:
Bergen: 123
Ulvik: 34
Øygarden: 25
Voss: 20
Sogndal: 12
Kvam: 9

23 av 43 kommunar i Vestland fylke står med 0 smittetilfelle dei siste to vekene.

Byggeplass, vaksinasjon og smittevern

Etter dei to smittetilfella i Bjørnafjorden 8. februar har vi hatt smitta frå Bergen på byggeplass i Industrivegen i Os, noko som førte til byggestopp. Over 90 arbeidarar hamna i karantene, 6 av dei frå Bjørnafjorden. Siste karantenedag var måndag.

Denne veka er dei første 200 vaksinedosane frå AstraZeneka på plass. Alle desse går til helsepersonell, mens Pfizer-dosane går til andre runde for dei som fekk vaksine i veke 5.

Vi var frå midnatt natt til måndag tilbake til nasjonale smittevernreglar. Desse blei justerte natt til tysdag. Her er dei gjeldane reglane.

Datoane for dei smitta i Bjørnafjorden til no

Til no i 2021: 21
Totalt smitta: 124
23. februar: Mann i 40-åra, testa i samband med innreise til Noreg.
23. februar: Mann i 20-åra, testa i samband med innreise til Noreg.
8. februar: Jente som er elev ved Os vgs. Smitta av kontakt i Bergen.
8. februar: Kvinne i 20-åra. Smitteveg ukjent.
12. januar. Mann i 40-åra, smitta av nærkontakt mens han var i karantene.
8. januar: Par i 20-åra og son på 4 år. Testa i samband med innreise.
5. januar: Kvinne i 30-åra. Testa i samband med innreise til Noreg.
5. januar: Mann i 30-åra. Testa i samband med innreise til Noreg.
5. januar: Mann i 50-åra. Testa i samband med innreise til Noreg.
4. januar: Åtte nye smitta, frå 5 år til i 60-åra. Høgaste tal på éin dag til no.
3. januar: Kvinne i 30-åra og hennar 1 år gamle born. Smitta av nærkontakt.

2020 haust (10. august til 31. desember): 89 smittetilfelle
2020 vår (11. mars til 14. april): 15 smittetilfelle

Totalt i 2020: 104 Sjå liste over alle