Ny video tar deg med frå Svegatjørn til Rådal

I oktober er det byggestart på E39 Svegatjørn - Rådal.

Det skal byggast 17,7 kilometer med ny firefelts motorveg, men strekninga frå du kjører inn i Skogafjellstunnelen (1,5 km lang) til du har passert Endelausmarka (1,1 km i dagen) og kjem ut av Lyshorntunnelen (9,2 km) er på til saman berre 11,8 kilometer.

Om du kjører i 100 km/t vil du bruka rundt 7 minutt frå Svegatjørn til Rådal, frå Kolskogen til Lagunen.

I mars la Statens vegvesen ut ein video som illustrerer den komande bilturen frå Os til Bergen på ny veg.

I ruta over ser du ein ny illustrasjonsvideo, publisert 11. august.

• Midtsiden samleside:E39 Svegatjørn - Rådal

Om E39 Svegatjørn - Rådal:
Strekninga er på totalt 17,7 km og skal gå som firefelts motorveg mellom Os og Fana.
Prosjektet har ei kostnadsramme på 6,5 milliardar kroner og skal korta ned reisetida mellom Bergen og Halhjem frå fra 40 til 20 minutt.

14,7 av den 17,7 kilometer lange vegen blir i tunnel. Den lengste tunnelen blir den 9,2 km lange Lyshorntunnelen mellom Endalausmarka og Rådal.

1. Lengst sør, frå Svegatjørn til Endelausmarka, kjem den 1,5 km lange Skogafjellstunnelen.

2. Dagsona gjennom Endelausmarka blir 1,1 km lang. Her kjem også fleire store næringsområde, blant anna Lyseparken på rundt 500 mål.
Prosjektet omfattar også ny fylkesveg frå kryss i Endelausmarka til Åsenvegen og utbetring av eksisterande fylkesveg 163 for cirka 40 millionar kroner.

3. Lyshorntunnelen (9,2 km) kjem i nord ut i Rådal, med ei kort dagsone og kryssområde på 200 meter før den går vidare i 2,2 km lange Råtunnelen. Denne kjem i fjellet vest for dagens vegsystem ved Laguneparken. Ny vegline held fram til dagens riksveg 580 sør for Troldhaugtunnelen.