Tabelltoar Os fekk søndag ein fin 4-0-siger over Grorud 2, som ligg på 13. plass av 14 lag i avdelinga.
4-0-målet blei skåra av Håvard Vatland Karlsen. Karlsen debuterte for Os på bortebane i førre runde.
– Vi har litt småskadar i troppen, og nokre spelarar som er nær karantene i mengde gule kort. Målet er at vi skal halda oss kvasse fram til ferien, så då passa det godt med påfyll no, seier Os-trenar Endre Brenne.
Håvard Vatland Karlsen spelte på Djerv 1919 frå 2016 til 2021 og har skåra 6 mål på 12 kampar for Åkra i 4. divisjon tidlegare i år.
No er han på lån i desse tre siste kampane før ferien.
– Vi hadde han i trening med oss før vi inngjekk låneavtalen. Han er ein spennande spelar med fine skills.
Første skåring for Os kom på ein overgang der toppskårar Daniel Kvalvågnes kom på løp, Os hadde 3 mot 2, og Kvalvågnes serverte ut til venstre, der Karslen var stødig og presis med venstrefoten.
1-0 kom etter eitt minutt, då Kvalvågnes bomma på innlegg i boks, men ballen gjekk vidare til bakerste stolpe. Der kunne Niklas Lunde Fosen enkelt banka Os i leiinga.
2-0 kom på ein fin chip av Henrik Tysse Sperrevik, som etter tørke i starten på sesongen no har 3 mål på 2 heimekampar.
3-0 var signert Kvalvågnes etter ein fin 45-gradarspasning via tunell frå Sperrevik. Dette var Os sin toppskårar sitt 12. seriemål for sesongen.
Os speler siste kamp før ferien borte mot Ullern 2 på 12. plass.
Med sigeren i går held Os seg på 2. plass. Frigg på 3. plass slo Sandviken på 4. plass 2-4, og ligg framleis tre poeng bak Os.
- Tabell og terminliste på fotball.no