Ny, lokal kompensasjonsordning for næringslivet
Skal dela ut over 2,1 millionar. Kven kan søkja?
Pressemelding: Kommunal kompensasjonsordning til bedrifter i Bjørnafjorden kommune.
Stortinget fatta 21. juni vedtak i saka «økonomiske tiltak i møte med pandemien».
Regjeringa har no følgd dette opp med eit nytt tilskot: Ny kommunal kompensasjonsordning til lokale verksemder.
Bjørnafjorden kommune er i den samanhengen tildelt 2.118.000 kroner.
Den lokale tildelinga kjem i tillegg til Statens tiltak for å kompensera for ulempene bedriftene har som følgje av smittevernstiltak. Hovudverkemiddelet er kompensasjonsordning.no.
– Me føler me har treft godt på dei førre rundane med kompensasjonsmidlar. Etter søknadsperioden er målsettinga og raskt få ut midlane til bedriftene. Hovudfokuset vårt er å trygga arbeidsplassar i kommunen, seier næringssjef Jon Sivert Rykkel.
Den lokale tildelinga har som mål å fanga opp bedrifter som fell utanfor den nasjonale kompensasjonsordninga.
Kven kan søkja?
Føljande bransjar og deira underleverandørar vert prioritert:
- Servering
- Arrangement
- Reiseliv
- Øvrige verksemder som er råka av smittevernstiltak, men fell utanfor andre statlege kompensasjonsordningar, kan også vurderast.
Verksemder som starta i 2020 kan søkja og vil bli vurdert.
Meir informasjon om søknaden finn du på heimesida til Bjørnafjorden kommune eller regionalforvaltning.no
– Ved sidan av dei prioriterte næringane er det også høve for andre bedrifter som er råka av smittevernsreglar å søkja kompensasjonsmidlar. Dette kan til dømes vere leverandørar til næringar som er hardt råka.
