Ny bortesiger til Os
Hadde kontroll frå start til slutt. Mens toppskårar og hovudtrenar var vekke.
Os spelte i dag sin fjerde serierunde og andre bortekamp på rad.
Kampen gjekk mot Viking, som hadde 27-22-tap borte for Stord som einaste resultat før kampstart.
Os stilte denne gong utan Anna Bjørke Kallestad, og hovudtrenar Emil Fjær var på haustferie fram til han kom i hallen litt ut i kampen.
Men både resten av Os-laget og resten av trenarteamet, Kenneth Husebø og Hilde Kristine Røttingen, klarte seg greit.
Os leia 0-3 og 1-6 før det sto 8-19 til pause.
Andre omgang blei ikkje like suveren, men i motsetnad til førre kamp sleppte dei ikkje vertane like tett oppi.
Åtte mål blei det nærmaste før 20-29 blei til sluttresultatet 23-29.
– Det var fart in angrepsspelet og bra forsvarsspel, der vi fekk brot og brukte det bra, samtidig som backane våre varierte fint og skåra mykje, seier Kenneth Husebø.
– Det er kjekt å sjå korleis spelet og relasjonane mellom dei som er nye for kvarandre utviklar seg gradvis.
Viking - Os 23-29 (8-19)
Os: Siri Eide Børtveit (keeper) og Karina Askeland Søviknes (keeper), Pia Kjelsrud Johansen 4+4, Marie Storum Vik 5, Emilie Hjertnes Halhjem 5, Emma Yael Husebye 3, Vilde Djupvik Fyllingen 3, Leah Munz-Kløve 3, Oda Ruud Bakke 2, Maren Evensen 1, Thurkka Sofie Velalakan og Thiet Kim Dang.
- Tabell og terminliste på handball.no
Også neste Os-kamp går borte, då mot Fyllingen 2, som har tapt 2 av 2 til no. Neste heimekamp er først 11. november.
Saknar du å sjå seniorhandball i Oshallen så kan du sjå nyopprykka Os 2, som har vunne 2 av 2 i 5. divisjon, mot Sædalen førstekomande tysdag.
