Noregs finaste Opel - igjen
To bilar frå Os var blant dei over 100 i utstillinga under årets treff i Femundsmarka.
I helga hadde Opelregistreret sitt årlege treff på Elgå, med over 100 bilar utstilt, 200 Opel-eigarar med venar til middag og kåring av finaste bilar i rundt 20 kategoriar Opel.
Kjell Lyngbø frå Os sin Opel Rekord D 1,9 E 1974 vann i fjor og stakk av med sigeren også i år.
– Vi fekk veldig mykje skryt for bilen, fleire meinte han var den finaste på heile treffet, seier Kjell sin sambuar, Helga Kobbeltvedt.
3. plass til Eidsvik
Det var til saman fire osingar på treffet og to bilar frå Os i utstillinga.
Også den andre bilen frå Os fekk premie, Knut Eidsvik fekk 3. plass for sin Opel.
Kjørte lengst
I dag er osingane på veg heim frå Elgå i Femundsmarka. Turen heim blir truleg kortare enn turen bort.
– Vi kjørte på GPS, som leia oss på ein omveg på 17 mil. Vi kjørte sikkert over alle fjella mellom Vestlandet og Austlandet, ler Helga, som også fekk pris for å vera dei som hadde reist lengst for å koma til treffet.
– På veg heim bruker vi kart, forsikrar ho oss om.