Nok ein båt gjekk ned
Endå ein båt bak moloen på Steinneset måtte gje tapt for vêret.
Bildeserie:
Om lag kvart på elleve, rett etter full flo, måtte endå ein båt gje tapt i bryggeanlegget innanfor Steinneset.
Båten, som låg på plassen innanfor daycruiseren som gjekk ned i går, ligg no med baugen i vêret.
Også ein båt lengre ut i bryggeanlegget bør sjåast til. Der har luka i fronten blitt opna av vinden. Båten har også eit stort hol i preseningen bak, så heile "vindauget" er vekke.
Slo godt over moloane
Med flo og liten kuling frå sør-søraust slo bølgjene godt over både Steinnesetmoloen, moloen framfor Oseana og den gamle moloen inne ved industrikaien.
Også lengre inne i gjestehamna slo vatnet opp gjennom plankane på brygga, og dei mange svanene som for tida svømmer rundt i hamnebassenget, fekk huska seg godt.