No skal vi stilla klokka igjen
Natt til søndag går vi over til sommartid. Og finvêret held fram, med til saman 1 mm nedbør den neste veka.
Søndag er siste søndag i mars og vi skal som vanleg stilla klokka.
Det betyr at vi får ei litt kortare natt og ein litt tidlegare morgon første påskedag, for klokka 2 skal klokka stillast til 3.
Det betyr naturlegvis også at nattklubbane brått kjem til å stenga kranane for dei som er på fest laurdag kveld.
Framleis sol
For dei som bryr seg mest om forholda på dagtid kan Storm.no melda finvêr også heile veka etter påske.
Søndag er det venta 1 mm nedbør, men lettskya. Dei andre dagane skal vera skyfrie eller lettskya og frå 3 til 6 varmegradar på dagtid.
Visste du dette om sommartid?
... Tyskland var først ute med sommartid (1916)
... i Noreg har vi hatt sommartid i i 1916, frå 1943 til 45, frå 1959 til 65 og kvart år sidan 1980.
... Island var lenge einaste land i Europa som ikkje stilte klokka til sommartid, men frå 2011 kutta Russland ut ordninga, og Kviterussland og Ukraina hang seg på.
Klokka skal stillast tilbake til, ikkje "vintertid", men normaltid, siste søndagen i oktober. Då skal klokka stillast frå klokka 3 til 2.
Kjelde: Wikipedia