Torsdag i 21.30-tida fekk Midtsiden fleire meldingar om røyk på veg inn over Os frå nordvest.
Ein av dei skriv at ho håper det ikkje er brann i Os, ei anna har utsikt mot fjorden og seier ho reknar med at røyken kjem frå skogbrannen på Sotra.
– Ho har rett. Det brenn ikkje i Os, men ugunstig vindretning for vår del gjer at det no kjem røyk frå Sotra inn over Os, stadfestar brannsjef Stein Gjøsund.
Det var i 16-tida onsdag at det blei varsla skogbrann på Kausland, sør på Sotra. Brannvesenet kjempar framleis mot flammane i det som blei ein storbrann.
Les meir om brannen på Sotra på BT.no.