– No kan du legga vekk skøytene

Etter tre veker med kuldegradar kom det mildvêr og regn i Os fredag.

Sjølv om mange vatn har tjukk is er det no ingen som lenger er skilta som farbare.

– Det smeltar fort når det regnar og bles og det er allereie overvatn fleire stadar, seier vakthavande Terje Håvardstun frå Os brannvesen.

– Vi har snakka med andre kommunar i Hordaland og dei gjer det same. Det er nok over for denne gang.

Både Storm og Yr melder nedbør til og med neste helg.

Varmast skal det bli måndag, med 8 gradar, mens det er sjanse for at det blir snø om ei veke.