No blir det varmare!

Fredag kom sommaren til Os og i helga har det vore livleg både på fjorden og på badestrendene i bygda.

Og veka skal bli endå finare, med mindre vind, 2-4 m/s, og høgare temperatur.

Yr.no melder 20 gradar på dagtid, Storm.no melder 23 gradar, begge er 3-4 gradar varmare enn kva dei meldte for laurdag og søndag.

Men kor lenge skal finvêret vara?

Fredag morgon kjem regnet, spår Yr, fredag kveld, melder Storm.

Både Yr og Storm melder litt lågare temperatur, 15-16 gradar, til helga og i dagane som følgjer.

Noko nedbør skal det også koma i helga, men ikkje så mykje.