NM-bronse til Målfrid
Pettersen Lunde leia til siste runde i tresteg U22. Sofie O. Hausberg tok seg til finalen i lengde J19.
Bildeserie:
Sofie Olsvold Hausberg frå Os Turn og Målfrid Pettersen Lund, som deltar for Fana il, har i helga deltatt i junior-NM i Harstad.
– Dette var mitt hovudmål med sesongen, seier Målfrid Pettersen Lunde etter at ho i helga tok sin første NM-medalje i junior.
Målfrid deltok i tresteg.
I tredje av seks rundar hoppa ho 11,86 meter og tok leiinga.
I siste runde blei det 11,85, mens Sofie Olsholt frå Tjalve IL klarte 12,03 og Julie M. Gaustad frå BUL IL hoppa 11,96.
– Eg har aldri hoppa så langt før, men vi hadde så mykje medvind at lengda ikkje blir registrert som ny personleg rekord.
Det betyr at 11,70 meter frå stemnet i Helsingborg i juli blir ståande som Målfrid sin pers. Førebels.
Senior-NM om to veker
– Eg er uansett nøgd med bronsen og glad for å kjenna at eg har så mykje inne. Eg følte meg i god form i Sverige og kjenner framleis at eg kan hoppa endå lengre.
Om knappe to veker er det senior-NM i Sandnes.
– Målet er å koma til finalen, og å passera 12 meter.
Finaleplass til Sofie
Sofie Olsvold Hausberg deltok i tresteg og lengde i klassen J19.
I lengde kom ho til finalen. Der hoppa ho 4,80 meter i første runde og 4,94 meter i andre og landa på 11. plass.
Vinnaren, Live Haugstad Hilton, klarte 5,76 meter.