Nesten bil i fronten

Onsdag fekk politiet melding om uvettig køyring/burning i nærleiken av Nore Neset skule.

- Meldar heldt på å få bilen som dreiv denne uvettige køyringa i fronten.

- Det skal ha vore ein svart bil, muligens ein Toyota Celica, fortel politiførstebetjent Audun Hadler-Olsen.

Personen som meldte frå til politiet hadde ikkje klart å få med seg registreringsnummeret på bilen.

- Vi var ute for å sjå etter bilen, men fann den ikkje.

- Ei generell oppfordring til folk som ser slike ting er å prøve å notera seg registeringsnummer og spesielle kjenneteikn.

Rusa med kniv

I åtte-tida torsdag morgon måtte patrulja frå lensmannskontoret ta turen over elva for å ta hand om ein rusa person i Os sentrum.

- Vi traff på karen og tok han med oss inn på kontoret.

- Der blei han ransaka og vi fann ein kniv på han.

- Han skal ikkje ha opptrådd trugande med kniven, men blir meldt for å bera våpen på offentleg stad, forklarar Hadler-Olsen.

Låg langflat

Tysdag kveld tok politiet seg av ein person som låg langflat på ein gangsti i Hagavik-området.

- Det var ein kjenning av politiet som trengde medisinsk hjelp grunna rus.

- Han blei køyrd til legevakta før han blei frakta vidare til ein institusjon i byen for oppfølging, seier politibetjent Tom Johannessen.