Nattleg dusj på Os skule?

Fredag i 16.30-tida fekk politiet melding om ein rusa mann som gjekk i Holtbrekka, i 2-tida natt til laurdag kjørte dei heim ein full mann som gjekk langs Hatvikvegen.

– Fredag ettermiddag i 17.30-tida blei vi varsla om laus hest med sal i Hegglandsdalen. Ryttaren var vekke, men fekk etterkvart kontroll på hesten, fortel politibetjent Benedicte Svanes.

I 20-tida blei det varsla om mogleg brann i Hagavik, men det var matlaging som hadde utløyst detektoren.

Litt før klokka 01 natt til laurdag meldte ein vektar frå om opne dører i gymnastikksalen ved Os skule.

– Politiet sjekka bygningen saman med vektar. Dei fann ikkje folk i gymsalen, men ein kran sto på i dusjen i ein av garderobane.

Kranen blei stengt og dørene låst.