Nasking og sint mann
Politiet tok i går hand om ein feilparkert bil ved E39, ein sint mann og ein ung snus-tjuv.
Ein bil som har stått i grøfta rett nord for Liafjellstunnelen er ifølgje politiet snart på veg vekk frå staden.
– Vi fekk kontakt med bileigar i går. Vi har ikkje notert noko forklaring på kvifor bilen har stoppa, men eigar har no lovd å fjerna bilen, seier politibetjent Tom Johannessen.
Midt på dagen fredag fekk politiet melding om naskeri på Statoil-stasjonen i Os sentrum.
– Det var ein mindreårig som hadde prøvd å stela snus. Tilsette hos Statoil har vore i kontakt med foreldra og vi har førebels ikkje oppretta sak på naskeriet.
I 23.30-tida var patruljen ute på melding om bråk ved Amfisenteret.
– Patruljen møtte ein oppfarande mann i starten av 20-åra.
– Det blei ordna sånn at nokon han kjenner fekk kjørt han heim, fortel Johannessen.