Når ein pepperkake-baker
VIDEO: Kjempeflinke elevar i Hakkebakke-Hegglandsdalen.
Bildeserie:
Onsdag og torsdag i førre veke inviterte Hegglandsdalen skule til framsyning av Torbjørn Egnner sin Hakkebakkeskogen i ungdomshuset i Dalen.
– Over 200 kom og såg framsyninga. Det er vel nærmast alle som bur i Hegglandsdalen seier rektor Jarle Reppen og ler nøgd.
– Foreldre, besteforeldre og søsken såg ut til å ha ei veldig fin stund, og elevane var kjempeflinke, synest Reppen.
– Alle stilte opp
Elevane har øvd sidan starten på februar og skulen fekk med seg musikklærarane frå ungdomstrinnet i Os, Anne Leni og Terje Neset, for å setja ein eigen spiss på sakene.
– Vi kunne aldri ha fått det så bra på så kort tid om ikkje Terje og Anne Leni hjelpte til.
Musikklærarane hadde dessutan med seg nokre flinke musikarar.
– Men det er mange som har stilt opp, frå tilsette på skulen til foreldre, som har sydd kostyme, seier rektor.
1. til 4. klasse stilte som kor, 5. til 7. klasse var skodespelarar.
VIDEO: Under ser du klipp av to av songane i stykket. (Foto: Kari Marie Austevoll Lyssand)