Nær siger over serieleiaren

Bildeserie:

Full skjerm

1 av 2

– Poengmessig blei det ein tøff start på sesongen, men eg såg heile tida at vi spelemessig var på høgde med dei fleste, og at vi ville byrja å plukka poeng etterkvart, seier Os 2-trenar Martin Røttingen Eidsvik.

Os 2 rykte opp frå 5. til 4. divisjon i fjor, i ein sesong med opprykk òg til A-laget og damelaget.

– Det er ein veldig god arena for ungdomen vår. Halvparten av dei som har spelt mykje var på G16 sitt 2. divisjonslag i fjor, dei har tatt store steg. Vi har absolutt ambisjonar om å halda oss i divisjonen.

Men Os 2 tok berre 4 poeng på dei første 9 kampane. Så følgde ein periode med 4 sigrar på 5 kampar.

– Os 2 har vore ein arena for mange ungdomar. I alt har vi brukt 46 ulike spelarar i år, blant anna 11 ulike høgrebackar, og vi har ikkje to kampar med lik tropp. Med litt meir kontinuitet kunne vi gjort det endå betre, samtidig viser dette at klubben har ein raud tråd i treningsarbeidet, og at bygda har mange talentfulle ungdomar.

Os Fotball har to juniorlag utanom dei juniorane (og 16-åringane) som speler på Os 2. Det eine juniorlaget ligg i skrivande stund på 2. plass i 2. divisjon.

– Os er òg einaste klubb i Hordaland, utanom Åsane, som har andrelaget sitt i 4. divisjon.

(Brann 2 speler i 3. divisjon).

Leia 2-0 over serieleiar

Os 2 har hatt med seg få spelarar frå A-troppen, særleg i vår, men styrka troppen med blant andre Rafael Villén, Espen Haraldseid, Harry Moore, Fabian Bødtker og Kristoffer Røttingen i går.

Røttingen gav Os 2 leiinga etter ein halvtime, Villén skåra frå midtbanen etter avspark i 2. omgang.

– Det var ein veldig god kamp av oss! Eg meiner vi var suverent best i første omgang, og styrte også dei første 10-15 minutta etter pause.

Men Sandviken reduserte i 74. minutt og utlikna på frispark på overtid.

Os 2 - Sandviken 2-2 (1-0)

Det eine poenget kan like vel bli verdt noko i innspurten.

Sandviken ligg 7 poeng framfor Lyngbø trass poengdeling i går.

Tre kampar igjen

Det er truleg to lag som rykker ned frå avdelinga, i tillegg til det svakaste tredje nedste laget av dei to avdelingane i fylket.

Os 2 har tre lag bak seg, men to av dei siste tre rundane går mot lag nær toppen av tabellen.

– Eg meiner vi kan ta poeng frå alle dei tre neste motstandarane, Lyngbø (2. plass), Bremnes (4. plass) og Solid (12. og siste plass).

Kampen mot Bremnes blir siste heimekamp. Den blir spelt fredag 11. oktober.

• Terminliste og tabell