Mykje folk og fine varer
Over 25 utstillarar er på plass med alt frå hundedressur til julefotografering, handlaga julepynt og heimelaga graut.
Bildeserie:
Søndag klokka 14 opna den nye, store julemarknaden i Os sentrum.
– Eg var på gråten i går, innrømmer vikarierande leiar for Os Sentrumsforening, Laila Moberg.
Men regn og vind laurdag skifta til sol og klart vintervêr søndag.
– I dag er eg berre glad, og det er utstillarane òg. Vi hadde ikkje trudd at det skulle koma så mykje folk, og eg er veldig nøgd med miksen av utstillarar.
Marknaden er open til klokka 18 i dag, og Moberg er allereie i gang med å invitera utstillarane tilbake.
– Det er mogleg vi repeterer dette neste søndag, for dette var kjempekjekt!
– Knallstart med skinnfell
Alle utstillarane Midtsiden prata med, cirka ein time etter opning, fortel om knallstart, fine tilbakemeldingar, og svært godt sal.
– Det er flørste gong eg stiller ut med varene mine, og eg har nok selt rundt ti skinfellar denne første timen, seier Nils Brynjulf Bøe.
Nils Brynjulf sslaktar 80 - 100 sauar kvar haust og sel pinnakjøt frå garden sin i Os.
– Men skinnfellene er også populære, som gåve til jul, bryllaup og runde dagar.