Lokal | 16. aug. 2013
Møteulykke på Halhjemsvegen
To bilar braste saman på Halhjemsvegen på Lekven fredag morgon. Bilførar mistenkt for å vera rusa.
Kjetil Vasby Bruarøyfredag 16. aug. 2013 09:01
Fredag i 8.40-tida fekk politiet melding om trafikkulykke på Halhjemsvegen.
– Ein bil skal ha kome over i motsett kjørebane og kollidert med møtande bil, fortel Andris Hamre, Midtsiden sin journalist som er på staden.
Ingen skal ha blitt alvorleg skadd i ulykka, som skjedde mellom Lunde-Lekven-avkjørsla og brua som går over E39 på Lekven.
– Ein av bilførarane, ein mann i 30-åra, er mistenkt for å kjøra i rusa tilstand, seier politioverbetjent Terje Sperrevik.
Vedkomande er busett Bergen.
Politi, brannvesen og ambulanse kom raskt til staden.
Det var dirigering på staden og trafikken glei fint forbi ulykkesstaden.