Møte i dag, 11. juni: PBU

I dag er det møte i Bjørnafjorden plan- og bygningsutval, det andre av i alt fem møte i utvalet denne månaden.

Politikarane er tilbake til behandling av arealplanen (KDPA, kommunedelplan, areal), og skal i dag behandla Fylkesmannen sine motsegner til planen.

Men det er òg andre saker på sakslista, møtet starta med synfaring i Finnebrekka og er no i gang med behandling av sak om riving av eit eldre bygg.

• Sjå saksliste på bjornafjorden.kommune.no
• Sjå direktesendt video frå møtet på kommune-TV

Kommunedirektøren sitt framlegg til vedtak, i behandling av fråsegnene til Fylkesmannen, er lista under:

2) Følgjande motsegn blir tatt til følgje:

Pkt. 21.6: Området på Innerøy som er lagt inn som næringsområde for hotell og utleigehytter blir tatt ut av planen.

Pkt. 21.9: Hytteområde nord på Ramsholmen, på 44/6, vert ikkje tatt med i endeleg utkast til plan.

Pkt. 21.11: Viktige naturtypar og artsførekomster blir markert som omsynssone i ny plan.

Pkt. 21.12: Unntaket vert endra tilbake til opphaveleg formulering i utkast frå administrasjonen.

3) Følgjande fråsegn må vurderast:

Pkt. 21.1: Merknaden vert omsyntatt gjennom prosessen som administrasjonen har lagt opp til gjennom våren 2020.

Pkt. 21.2: Merknaden er omsyntatt i planarbeidet. Det er avsatt tilstrekkeleg areal til offentlege formål.

Pkt. 21.3: Planarbeidet sikrar dette i tilstrekkeleg grad. Mindre grønstrukturar, friareal i byggeområder må sikrast i reguleringsprosessen. Kommuneplanen er overordna og er ikkje gitt ein slik detaljgrad.

Pkt. 21.4: God folkehelse, sosial bustadbygging og gode kvalitetar i arealutforminga for folk i alle livsfasar vil bli utdjupa i planskildringa. Det vil òg bli presisert i føresegnene.

Pkt. 21.5: Eksisterande turvegar i gjeldande KDPA vert vidareført, men nye stiar vert ikkje lagt inn.

Pkt. 21.7: Buffer mot Døsjaelva for 34/1 vert auka til minimum 30 meter, tilpassa terrenget. Bustadområde på 34/8 og 35/2 vert tatt ut. Grensa for ytre fortettingssone tilbake vert trekt tilbake i samsvar med opprinneleg tilråding frå administrasjonen.

Pkt. 21.8: Området for nye byggeområder for fritidsbustader, campingplass og turistformål på Strøno, vert ikkje tatt med i endeleg forslag til plan.

Pkt. 21.10: Utvalet vil behalde framtidig ny veg frå Askvik til Salbuvik og tilhøyrande omsynssone i planen.

Pkt. 21.13: Utvalet endrar føresegn 1.1.4 (2) til: «Massemottak, utfylling og bakkeplanering av større areal enn 15 daa, eller avvik på meir enn 3 meter frå eksisterande terreng.» Utvalet endrar føresegn 5.1.1 (4) til: «Massemottak/ utfylling/ bakkeplanering ....»
Og punkt c til: «Ikkje går over 15 daa, eller avvik meir enn 3 meter frå eksisterande terreng.» Massedeponi vert endra til massemottak i føresegn 5.14.2.

Pkt. 21.14: Utvalt vil samkjøre føresegn 1.1.4 (2) og føresegn 5.1.1 (4) c. Viser til førre punkt.

Pkt. 21.15: Utvalet er ikkje samd i påstanden til Fylkesmannen.

Pkt. 21.16: Føresegn 4.8.2 blir endra slik at det reglane vert eintydig. Følgjande avstandar skal leggast til grunn i arbeidet til administrasjonen: Der det ikkje er vist eiga bygge-grense mot sjø i reguleringsplan, følgjer byggegrensa formålsgrensa for byggeområdet, men likevel ikkje nærmare middel vannstand enn:

(1) Sentrum (S): 0 meter (gjeld tiltak for almen ferdsel), for bygning gjeld 5 meter. (2) Indre Fortettingsone: 20 meter
(3) Ytre Fortettingsone: 30 meter
(4) Fritidsbustader: 30 meter
(5) Næringsbygg: 0 meter (gjeld t.d kai og anlegg, for bygning gjeld 5 meter). (6) Kai, naust og rorbuer: 0 meter
(7) Forsvaret: 0 meter
(8) Bustad utanfor senterstruktur: 50 meter
(9) LNF-områder, opna for spreidd bustad/hytte bygging: 50 meter. Pkt. 21.17: Tatt til orientering.

Pkt. 21.18: Tar ut føresegner om rorbuer. Nye områder for rorbuer i planen går tilbake til naustområde.

Pkt. 21.19: Utvalet tar ut føresegn 4.6.2; andre byggehøgder.

Pkt. 21.20: Føresegn 5.15.3 blir beholdt, dette er vidareført frå gjeldande plan. Byggegrense mot sjø er tatt inn i føresegn 4.8.2. Føresegn 5.16.2-4 blir rett frå «bør» til «skal».

Pkt. 21.21: Føresegn 5.15.1 og 5.16.1 blir tatt ut. 5.15.2 vert endra slik at regel vert avgrensa til bebygd eigedom. Erstatningsbygg gjeld gjennoppbygging etter brann.

Pkt. 21.22: Føresegn 5.16.2-3 blir retta til: «Dersom det er naudsynt ut i frå nye tekniske krav, kan erstatningsbygg byggast litt høgare enn eksisterande bygg.»
Øvrige rettingar går fram av dei føregåande punkta.

Pkt. 21.23: Føresegn 1.2 blir beholdt. Den legg dei overordna rammene og føringane og seier kva kommunen vil vektlegge i det vidare arbeidet med den einskilde plan eller byggverk. Administrasjonen får fullmakt til å vurdere om kapittelet skal takast ut i sin heilskap og overførast til kravspesifikasjonen for kommunale planar.

Pkt. 21.24: Administrasjonen får fullmakt til å vurdere om kapittelet skal takast ut i sin heilskap og overførast til kravspesifikasjonen for kommunale planar.

Pkt. 21.25: Administrasjonen får fullmakt til å vurdere om kapittelet skal takast ut i sin heilskap og overførast til kravspesifikasjonen for kommunale planar.

Pkt. 21.26: «Bustad» blir retta til «bustadeining».

Pkt. 21.27: Føresegn 4.6.1 vert endra til retningsline.

Pkt. 21.28: Tatt til orientering. Føresegna må henge saman.

Pkt. 21.29: Tatt til orientering. Grad av utnytting i fortettingssonene vert tatt ut av føresegna.

Pkt. 21.30: Føresegnet vert fjerna.

Pkt. 21.31: Til orientering.

Pkt. 21.32: Kommunen ønskjer å behalde eigne retningslinjer for leik og uteareal og estetikk. .]

Kommunedirektøren sitt samandrag av saka:
Saka følgjer opp strukturen for handsaming av fråsegn og motsegn til ny kommunedelplan til arealdelen av kommuneplanen. Denne saka omfattar fråsegn og motsegn frå Fylkesmannen, dei såkalla «prinsipielle» fråsegnene.